Manipur nung nisung ka kahset, ka yiru

Imphal, August 22 (TYO): Honibar nü Manipur, Chandel district kübok Ngairong nung NSCN(IM) züngsemtem asütsü akok ta temulung melemi bilemer kari injang yokdang arishi küm 50 tain nisung ka khaset aser ka yirutsü.
Tanep yakta iba yimtsüng nung NSCN(IM) ta temulung melemi bilemertemi injang yokdang arishi küm 50, S Walunglua Aimol (Manglun) asü aser Ringneised Aimol injang agi yiruogo, ta police ketdangsertemi ashi.
Ano tanep 4:30 meta taoba Assistant village chief, S Chungosei Aimol (60) kidang grenade ana mereploktsü saka pa aser par kibong meyiru, ta police-isa ashi.
Iba tatalokba angashia police team ka den Assam Rifles sepaitem iba tesem jagi aoba sülen anasa aliba tesem nung mita ao.
Aimol tribal temi Naga nunger den affiliate asütsü memelungi state nung parnok maitsü balaka yunüba ajanga taoba anogo ishika tensa raksatsüsa lir, ta police ketdangsertemi ashi.