Manipur nung NPF-i Congress meyaritsü

Kohima, March 12 (TYO) : Naga Peoples’ Front (NPF)-i Manipur nung non-Congress party mashii ka den sorkar tasen akümtsü atema yariteptsü.
Manipur assembly elections nung NPF-i menden pezü nung takok ngua lir.
“Onok NDA den yaritepba telok ka lir, anungji North East Democratic Alliance nungittsü. Iba teloktep nung Manipur nunga Non-Congress teloktem dena lir” ta NPF Central office Spokesperson, Achumbemo Kikon-i ashi.
Manipur nung sorkar akümtsü atema Congress-i asüngdang nunga NPF-i parnok den madentsü, ta paisa ashi.