Manipur nung NSCN (IM) züngsem 4 tapoktsü bener apu

Imphal, January 22 (Agencies): Imphal West district nung sepaitem patrolling aodang NSCN(IM) züngsem pezü den tapoktsü osettem bener apu, ta Deobarnü police-i ashi.
Yasüng tesü NH-37 anasa aser Tamenglong gari lenmang nung par pezü ket nungi gelatin sticks 50, detonators 58, cordtex metre 26 aser air gun 18 apu, ta parnokisa ashi.
Asüngdangyaba mapang parnoki, item tapoktsüji kar nem agütsütsü atema parnok Manipur, Tamenglong district nung Khongsang bazzar-i aoer liasü ta shiogo, ta police-isa shisem.
Item tapoktsütemji NH-37 (Imphal-Jiri road) nung mapa lemzükja aliba security sepaitem amaktsü asoshi liasü.
Par pezüji Patsoi police station ket nung agütsü, ta kasa osang ajanga ashi.