Manipur nung ozüng alema yi yanglur/ayokertem merenshitsü

Guwahati, September 13 (Agencies): Manipur nung ozüng alema yi yanglur, meyokteper aser ayoker ozüng tesashi agi merenshitsü, ta Manipur CM N Biren Singh-i Hokolbarnü metetdaktsüogo.
“Tang nungi sorkari ozüng alema yi yanglur, meyokteper aser ayokertem merenshitsü” ta tanü Biren-i osangbener dang ashi.
“Yi meyoktepba anenang aser meimchir takümtem kümzükang” ta paisa shisem.
Bodbar nikongtsütsü Thoubal police-i ozüng alema yi yangluba unit ka makdokba atema Chief Minister-i osangbener den jembidang iba osang metetdaktsü. Yashi inyakba mapaji Thoubal SP S Ibomcha lenisüba kübok inyak.
“Yi yangluba unit ji Thoubal Athokpam nung liasü. Iba tesem nung police-i Indian made foreign liquor (IMFL) aika apu” ta Biren Singh-isa metetdaktsü.