Manipur nung party 6 longjemogo

Imphal, January 08 (Agencies): Manipur nung taruba assembly election nung sorkar tashi nung aliba party, Congress aser BJP anema tokteptsü atema opposition party trok ka küma longjemogo.
Honibar nü iba osang sangdonga CPI state secretary, Moirangthem Nara-i, party trok- CPI, CPI(M), NCP, AAP, JD (U) aser Manipur National Democratic Front-i Left Democratic Front ka tentettsü, ta metetdaktsü.
“Onoki taruba ministry tentettsü merangtsü, ta paisa ashi.
2012 küm item party trok rongnung menden ka nung takok anguba party ji NCP dang lir. Takok angusang NCP MLA, Laisom Ibomcha tawa Congress nung denogo.
CPI-i menden ka nunga takok mengutetaka Congress-i aniba sorkar kümsük ana teloktep nung parnok dena liasü.
Congress-i majority dang ngua aruba yong CPI nem minister menden agutsütsü nüngdak madoker ta bilema parnoki CPI züngdoka liasü.
Ano Manipur People’s Party (MPP) aser Manipur State Congress Party ama local party tem tang tashi nungbo LDF nung maden. Taoba election nung MPP-i menden ka nung danga takok menguaka MSCP-i bo menden pongu nua liasü.