Manipur nung police 4 mapa nungi anentsü

Imphal, November 18 (Agencies): Moreh nung mozü apuba ken o ka dak sendakba nung Manipur nung inspector ka dena police pezü apu aser mapa nungi anentsüogo.
Brihostibarnü Moreh nung ki ka nungi Ketamax 50 ta ser ketamine injection P indang carton box 34 apuba dak sendakba nung par pezü ya apu.
Parnokji Moreh police station officer in charge inspector L Vaiphei, assistant sub-inspector P Haokip, head constable Md Khalilup aser driver L Kom nungertem lir.
Police-i iba ken o bushisüngdanga arudang, par pezüi mozü shibelener den tesentaktep aliba putet. Parnoki maneni bushisüngdang südar.