Manipur nung police-i nisung 5 yirutsü

Imphal, May 20 (Agencies) : Hokolbar anepdang nungi Manipur ghonda 38 mokdangtsü ayongzükba mapang police-i tenük amdaktsüba mokozü pokdaktsüdang nisung pungu yiru.
Hokolbar anüngdang lungkak aiter nisung noklang aika Kwakeithel aser anameta aliba tesemtem nungi secretariat leni aodang police-i parnok noktangtsü merangdang nisungtemji yirua liasü.
Manipur assembly nung agizükba bill asem Tir-i mulunga agizükang ta takhangba agüja nisungtemi lungkak aiter.
Iba sentong tanep 4:00 ako nungi tenzük aser asüng (Honibar) aonung 6:00 ako tashi alitsü. Manipur nung anti-migrant bill 3 pusema nungitertemi iba lungkak aitba sentong ayongzük.
Ano, taruba Deobar ayaterm nungi ghonda 24 “public curfew” alitsü. Taoba ita Thoubal district kübok Nungei nung nisung 14 injang agi yirutsür par asem police-i pua marutetba anema iba lungkak aitba sentong alitsü ayongogo.