Manipur nung prangbong injang aika ngutet

Imphal, Rongchii 10 (Agencies): Bishnupur district nung 5 JAK Rifles aser Bishenpur district police commando tem sentepa meita aoba mapang prangbong injanga aika apuba sülen maneni parnoki prangbong ana ngutetogo, ta Assam Rifles sangdong ka ajanga metetdaktsü.
“Prangbong bushitettsü nükjidong nung meita aoba sentong maneni agiba mapang Headquarters Inspector General Assam Rifles (South) kübok Assam Rifles 9 Sector, 5 JAK Rifles pur aser Bishenpur Police Commando temi M-16 rifle ka aser AK-56 rifle ka den magazine pezü ta Bishenpur district kübok Ishok yimtsüng nungi Tentonü ngutetogo,” ta Assam Rifles (South), Public Relations Officer sangdong ka ajanga metetdaktsü.
“Manipur nung yimjung bener arutsü nükjidong nung Imphal valley nung telungpur tebilemtsü aliba agintsü asoshi Assam Rifles puri kanga meranga inyakba iba meita aoba sentong takok anguba ajanga sayur,” ta kasa sangdong ajanga metetdaktsü.
Assam Rifles puri iba mita aoba sentong ya tawa state nung mite aoba sentong rongnung takok anguba tajungtiba asütsü, ta züngshir,.
Amnungnü kasa telok yagi mita aoba mapang Bishenpur district kübok Ishok Makha Leikai, Pat tesem nungi prangbong injang aika ngutetogo.
Parnoki apuba prangbong rongnung M 16 Rifles ana, AK-56 Rifles pezü aser A 4 Rifle ka den UBGL (under barrel grenade launcher) ka ta densema lir.