Manipur nung rara atema tapet temerenshi agütsütsü: Rijiju

Imphal, October 30 (Agencies): Deobarnü Union Minister of State for Home, Kiren Rijiju-i, Manipur nung rara adokdaktsürtem nem tapet temerenshi agütsütsü, ta metetdaktsü.
Tang Rijiju-i Manipur semdangi arua lir aser taoba  Hombarnü Ukhrul district nung sniper kati India Reserve Battalion trooper ka yirutsüba sülen state Chief Minister, Okram Ibobi Singh, Home Minister Gaikhangam aser tangartemi district hospital mesemzükteti aruba dak sentakba nung pai iba o jembiogo.
Iba anogo jakdanga lokti sentong aliba tesem nung bomb ka apokba ajanga sepai ka yirua liasü.
Ibobi aser Gaikhangam nungeri iba tatalokba atema India sorkar den ceasefire tezüngzüktep agia aliba telok, Nationalist Socialist Council of Nagaland-Isak-Muivah (NSCN-IM) nem tai tongloktsüoo.
Ajisüaka Rijiju-i, osang tejangja anguba sülen tapet temerenshi agütsütsü ta ashiba den külemi lokti balala tsüngda tesünep nung alitsü mepishi.
Manipur nung küm 15 Congress sorkar aija pai, yimsüsüba junga lira state nung azükaru lila, ta ashi.