Manipur nung RIMS Medical Superintendent kidang bomb pokdaktsü

Imphal, April 11 (Agencies) : Mejangjatetba nisung kari Thangmeiband Lairenhanjanba tesem nung RIMS Medical Superintendent’er kidang grenade ka pokdaktsü, ta police ketdangser kati ashi.
Regional Institute of Medical Sciences (RIMS) nung Prof. Amuba’er kidang hand grenade ka pokdaktsü saka iba lendong nung nisung shinga meyiru, ta police ketdangserisa shisem.
Osang ka ajanga angazükba agi, iba tesem nung alir kari grenade pokdaktsür nisung ka pua züka merenshi, saka police-ibo iba osangji mejangjateter ta metetdaktsü.
April 1 nunga Medical Superintendent indang official headquarters nung bomb ka pokdakja liasü, ta police ketdangserisa shisem.