Manipur nung saisapong reju lapoktsütsü: Dr. Jitendra

New Delhi, November 15 (Agencies): Union Minister of State (Independent Charge) for Development of North Eastern Region (DoNER), MoS PMO, Personnel, Public Grievances, Pensions, Atomic Energy & Space, Dr Jitendra Singh-i, Manipur nung memunui saisapong reju ka lapoktsütsü aser nüngdakba ali indang inyakyim tatemleni arudar koba sülen tekaratiba nung sen crore aika alang reju yanglutsü asoshi lung azüngtsü, ta metetdaktsüogo.
Dr Jitendra Singh-i iba osang ya Manipur nung “Ningol Chakkouba” benjung amungba mapang sentong ka nung o jembidang metetdaktsü.
Iba ya kiyi or alir jalatem asoshi lar kinungertemi mungtsüba benjung ka lir.
NDA Sorkar kümteter Ato Kilonseri mezüng Northeast semdangba mapang iba tesem nung saisapong reju ka lapoktsütsü ta ashiba pusema, Dr Jitendra Singh-i, “Manipur state nungi international asaya balala nung medal aika bener arur aser ibaji ajanga Ato Kilonseri Manipur nung saisapong reju ka lapoktsü nükla lir koba ajanga state nung saisapong nung tali renlokba den mapa mongui alirtem asoshi teyari tulu asütsü,” ta ashi.
Pai, taküm küm Non-Lapsable Central Pool Resources (NLCPR) kübok sen crore 849.79 alang project 84 tenzükogo aser North Eastern Council (NEC) küboka sen crore 671 alanga project 79 tenzükogo, ta metetdaktsü.
Dr Jitendra Singh-i Manipur nung aliba nüburtem tawa tzümetsüng aser nisung tepsetba lendong kokteta aruba asoshi tenüngsang agütsü.
Pai, Manipur-a linük nung tanga state tem ama terenlok tsütsü centre-i yaritsü tebilemba lir, ta shisem.