Imphal, August 13 (Agencies) : Ashishitep aketba Armed Forces (Special Powers) Act (AFSPA) agientsü aser Manipur nung Inner Line Permit (ILP) system benoktsü takhangba agüja lumiba atema Imphal west district police-i Women & Crime Journal yimozülur, Arambam Robita apu.
Activist Irom Sharmila-i November 4, 2000 nungi August 9, 2016 tashi AFSPA agientsü atema lumiba mesüka laia lumia lungkak aittsü telemtetba agi, ta Robita-i osangbener dang ashi.
Jala ana tetsü Robita ya Organisation for Indian Women Against Crime (OIWAC) nung founder secretary lir. Lai Irom Sharmila kanga akhümtsübur aser lai AFSPA anema maneni raratsü telemtetba agi.
Organisation for Indian Women Against Crime (OIWAC), Salai Apunba Lup, NGOs, aser activist aikati la dang jala ana- Diamond (10) aser Tamphamani (4) atema bilemja lumiba sentong magitsü mepishi saka lai telemtetba nungi masetshitsü ta tekong meranga noktaker.
Manipur University jakdang Canchipur nung tanü Robita-i lar office kima lumia lungkak aitba sentong tenzük saka district police-i la apu.
Manipur nung Sharmila ama lumia lungkak aiter Robita police-i apu added by asungba on
View all posts by asungba →
You must be logged in to post a comment Login