Manipur nung sorkar school 25 renlokdaktsütsü

Imphal, August 7 (Agencies): Manipur nung BJP sorkari tenzükba School Fagathansi Mission nung school 25 mezüngbuba shilem nung shimogo.
School Fagathansi Mission ya Manipur nung sorkar school tem renlokdaktsütsü atema lir aser iba ya state sorkar indang ‘Go to Village’ mission kübok inyaker.
“School 60 nungi Phase-I atema 25 shimogo” ta Manipur Education and Labour and Employment Minister Th Radheshyam-i ashi.
Shitakba agibo School Fagathansi Mission Schools tenzükba tenüng nung August 7 nü lung azüngba sentong ka agitsüba liasü saka taoba External Affairs Minister Sushma Swaraj asüba asoshi mangyima iba sentong thinenogo.
Taküm January 18 nü Chief Minister N Biren Singh-i Yumnam Huidrom High School nung iba mission tenzükja liasü.
Sorkar school tem nung infrastructure tajungba kümdaktsütsü, tazünger teimba arudaktsütsü aser public examinations nung result tajungba ngudaktsütsü nükjidong nung iba mission tenzük.
Manipur nung Industrial Training Institute ajanga skill development training programmes tajungba nung agitsüla ta nüngdakba ajiteta, National Skill Development Training Institute ka lapoktsü asüngdang aser ibaji kobi melii lapoktsü, ta Th Radheshyam-isa metetdaktsü.
Tribal Youth Development Foundation (TYDF)-i Ukhrul District nung skill development training mapa tajung inyakba atema tenüngsang agütsür, ta paisa shisem.
TYDF ajanga PMKVY-Centrally Sponsored State Managed kübok skill development training programme agütsür.
Parnoki trainees 60 nem Domestic Data Entry Operator (DDEO) agütsüogo aser ano taruba shilem atema trainees 60 tenüng agüja lir.
Tanü sentong nung Minister Th Radheshyam-i skill development training indang kulikakettem lema agütsü.