Manipur nung tasümang ana angu

Imphal, Februery 19 (Agencies): February 16, 2016 nü Senapati district kübok Sangkhumai yim anasa aliba arem min tiyong nung mejangjatetba tasüngmang ka indang teret ngua lir, ta police-i metetdaktsü.
Iba yimtsüng ya Mao police station nungi kilometre 72 shi pilar lir.
Iba tasümangji jangtsü asoshi RIMS-i benerogo, ta police-i ashi.
Ano Manipur nunger masüba nisung ka indang tasüngmang ka taoba Brihostibarnü Keithelmanbi market shed nung angu.
Patsoi police station nung Officer-in Charge-i sangdong ka ajanga ashiba agi, iba tasüsangji Manipur nunger masü aser paji teti iba shishilembaba tesem nung angur ta yangji aliba nüburtemi ashi.
Iba tasümangjia jangjatsü asoshi RIMS tasüngmang ayuba tesem nung yua lir.