Manipur nung telungpuri BSF amak

Imphal, May 20 (Agencies) : Brihostibarnü India-Myanmar arrtsülen Manipur Thoubal district kübok Heirok tesem nung telungpur ta temulung melemi belemer kari BSF patrolling jajaba mapang mokdanger amak, ajisüaka iba lendong nung BSF pur ka danga meyirui jenteta lir.
50 Bn BSF telok ya patrolling temer parnok camp-i meyiba aruba mapang item telungpur yagi tapoktsü ana pokloktsü.
Tapoktsü pokloktsüba dang masü saka parnoki injang tena kahloktsü. Anungji BSF telokia injang akahtsü tenzük aser iba mapang telungpuji jena ao.
Iba tatalokba dak sentakba nung police-i case ka benokogo ajisüaka tang tashi nung ano shinga pua arua mali.
Kodang item telungpur tenüng temai adokdir iba sülen union Home Ministry nem metetdaktsütsü, ta osang kar ajanga metetdaktsüogo.
Iba lendong atalokba sülen police station aser camp tem ajak nung security tali tashi itshiogo.

You must be logged in to post a comment Login