Manipur nung tetsür ka ket nung tapoktsütem bena lia apu

Imphal, January 20 (Agencies) : Manipur kübok East Imphal district nung Assam Rifles-i tetsür ka ket nungi tapoktsütem bena aliba apu.
Ukhrul district anasa aliba Gwaltabi yimtsüng nung 16 Assam Rifles sepaitemi tetsür ka ket nungi gelatine sticks 3, explosive powder 125 gm aser fuse tem angu.
Tetsürlaji Ukhrul nung alir ka ta jangjaogo aser la den külemi tapoktsütemji police ket nung agütsü.Republic Day atongtsü anogo ishika lia sepaitemi security akangshia mapa inyaker, ta Manipur home department ketdangser kati ashi.
Bodbarnü Manipur police-i Imphal East aser West district tem nungi nisung 26 sota jangjashiogo.