Manipur nung Tir Mukherjee-i sayatsüba nüngshilung samaogo

April 23, 2016 nü India Tir, Pranab Mukherjee-i Khongjom War Memorial complex nung nüngshilung ka sayatsüba angur.

Imphal, April 27 (Agencies) : Taoba Honibarnü Tir Pranab Mukherjee-i nüngshilung ka sayatsüba samaogo ta taoba Manipur minister aser Khongjom War Memorial Trust ketdangser, M Hemanta-i Bodbarnü ken o ka benok.
Khongjom Day küm 125 ajungbamung nüngtem nung Tir Mukherjee-i War Memorial Monument-cum-Tourist Centre nüngshilung ka sayatsü.
Hemanta-i Khongjom police station nung ken o benokba sülen osangbener den jembidang ashiba agi, mejangjatetba nisung kari iba mapaji inyak aser April 24 nü ang tatalokbaji metet.
Hemanta ya BJP Manipur Pradesh Committee nunga otongdar lir aser April 24 nü osang angshiba sülen pai tesem tonga oa reprangdang.
Pai BJP tenüng nung masü saka Trust tenüng nung ken o ji benok, ta taoba Sports minister, Hemanta-isa metetdaktsü.
Paisa ashiba agi, Khongjom nung 1972 küm taoba Tir VV Giri-i sayatsüba nüngshilung ka samaogo.