Manipur nung totzü litre nung sen 180 agi ayoker

Imphal, Sept 06 (Agencies): Tawa Manipur nung anentsüh kanga aluba, Barak nung aputem raksaba aser Inner Line Permit System (ILPS) anema mapang talanglang takhangba agüja lungkak aitba kuli balala ajanga ano maneni state nung rizünga aliba petrol, diesel aser SK totzü kanga ajema kümogo aser totzü agi kanga anüngtepdagi.
Ozüng alema ayokba market nung petrol totzü jenjang kanga kahketa tua petrol totzü litre ka nung sen 160 nungi sen 180 tashi agi yokteper.
State nung latetja aliba shitakba jenjangjibo litre shia nung sen 57 dang lir.
Nüburtem totzü ayokdak kar nung parnok gari nung totzü inoktsü atema gari tarensen talanglang yanglur atateptsüsa akümer. Totzü ajema akümba ajanga petrol pump aika shibangogo.
Taoba ita nungi tenzüka tanü tashi totzü ayokdak tesem kar shimteta totzü kilo litre 4 nungi kilo litre 12 tashi lemzüktsütsüsa aküm.