Manipur nung tzünglu agi aluyimertem takoksa angur

Imphal, April 02 (Agencies): Northeast state kar nung anojungi anogo pezünü tashi tzünglu sashia aruba den rürlong tsükba ajanga aonsotsü/tsünüsempongtsü raksaa aluyimertem takoksa ngudar.
Honibarnü aonung tzünglu sashia aruba sülen Deobarnü ghonda ishika tzünglu aruba anena liasü. Manipur nung sorkari action committee-i iba tensa mita reprangdar.
Manipur nungi aluyimer ka tenüng agi, S. Thanil-i ashiba agi, par lu nung gobi züsentetba ajanga pai jenti aazüker, ajisüaka takümbo pai takoksa angutsü.
“Cricket ball ama rürlong agi gobi raksatsüogo. Ozü alu nung tsünütetba gobi shingaia malitsü, kechiyong iba aonsotsü ya kanga kera raksar,” ta pai ashi.
Ano talisa alo tsünürtemi takoksa tuluba ngugo. Highway mokdangba mapang nung Assam aser Meghalaya nungi bener aruba alo seret nung sen 30 shii yoka liasü, saka state nung aluyimertemi tsünütetba alo nung jenjang ajemer liasü. Ajisüaka tang tzünglu den rürlong tsükba ajanga tsünüsembongtsü jenti raksatsüogo. Tzünglu ajanga tesem aika nung tzü atsüngogo, iba den külemi anentsüh alua National highways tesem aika anenbanga liasü.