Manipur nung tzünglu, rü aser yipru ajanga kiojen 1,000 den timba raksatsü

Imphal, April 24 (Agencies) : Anogo ishika tejaklen nungi Manipur nung tzünglu kanga aruba den rü tsükba ajanga ki 1,000 den timba raksaogo aser taoba ghonda 48 tsüngda teraksa jenti liasü, ta sorkar osang ka ajanga metetdaktsü.
Deobarnüa tzünglu kanga aruba ajanga ki aika raksatsü. Tan ita piyong Manipur nung tzünglu tesashi arutsü aser yipru aontsü ta Meteorological department ketdangsertemi metetdaktsü.
Tanü tesem ana nung nisung trok tashi tsüngpret agi yirutsü aser ano tzünglu tesashi arudang nisung 10 tashi tesem balala nung yiru.
Imphal west, Imphal east, Bishenpur, Thoubal district tem nung kiojen chirepba osang angazüker. Ano Tamenglong, Ukhrul, Churachandpur, Senapati aser Chandel district tem nunga yipru ajanga tenla ki aser kiojentem raksatsüba sangoktsüogo, ta ketdangsertemi ashi.
Deobarnü manipur kübok Loktak lake aser Keibul nung kiojen 250 den timba raksaba osang angazüker, ta parnokisa shisem.