Manipur nunger film yanglur ka telungpuri yirutsü

Imphal, March 3, 2016 : Manipur nunger film producer aser director M. Raghumani tang tasü taküm tsüngda kangshidar. Pa ya Brihostibarnü sen dak sentakba mangatettep ka nung telungpuri yirutsü südi ta temulung melemi bilemer, ta police-i ashi.
Raghumani ya taoba mapang Film Forum Manipur nung Tongti Tezülur liasü. Pa Brihostibar, March 3, 2016, nü Imphal anasa aliba Iroishemba tenem nung azü agi yimbanger angu. Pa teben tabelen sükdanger liasü aser pa temang sünga terangsaba tarak liasü, ta police sangdong ka ajanga metetdaktsü.
Hospital osang ka ajanga ashiba agi, pa tang tasü taküm tsüngda lir aser kümzüktsü mesüra mekümzüktsü ashitsü makok.
Telungpur telok anati state nung actor tem aser film industry nung inyakertem dang ozüng alema sen sarutsü asoshi Film Forum Manipur dangi shidi ka yoka liasü.
Telungpuri sen onsara meshibaji magütsütetba ajanga Film Forum Manipur-i film tangokba aser film dak sentakba maparen ajak hopta ishika anena ayu.
Film Forum Manipur nung Mendenbuba Surjakanta Sharma-i, Raghumani dak tim masü mapa inyakba anema ola adokogo.
“Ajaki kanga junga meteta aliba producer aser director ka dak iba ya tashiyim mapa inyakba ya shiruru mapa mesük,” ta pai ashi.

You must be logged in to post a comment Login