Manipur nungi ano lanur ka samara bushidar

Imphal, September 26 (Agencies): Pravish Chanam asüba aser Noida police-i tasümang rongtoktsüba keno mejangjateti aliba tensa ka nung ano Manipur nungi ano lanur ka samara monguteti bushidar.
Iba nisungba tenüng ya Taorem Bittoo ta jangjaogo aser pa Imphal West district nung Thangmeiband tesem nung alir.
Osang ajanga ashiba agi, Bittoo ya iba ita tetenzüklen tetsü temang anepalutsü asoshi Delhi-i anir ao. Bittoo aser tetsü na New Delhi, Vasant Kunj, Kishan Ghar nung mozüki kati aru, iba sülen September 13 nü pa sama.
Osang ajangasa ashiba agi, Bittoo September 13 nikongtsütsü mozü kar alitsüba atema mozüki toktsür ao saka pa meyipa maru.
Kasa mapang nung iba ken o dak sendakba nung Imphal West district Khuyathong Junction nung mener longkak aitba sentong ka ayongzüka kaaogo.
Thangmaiband assembly constituency nungi Congress MLA Kh Joykishan-i Iba dak sendakba nung Centre nung BJP-i aniba sorkar aser Delhi sorkar aitsüogo. Pai ashiba agi, “Parnoki linük yimtiba nung Northeast pur timtem ajuruba kecha au ta mali ajak sendoker.”
Paisa ashiba agi, ketdangsertemi linük yimtiba nung temolung agüja meinyakba ajanga Bittoo tanü tashi monguteti bushidar. Iba dak sendakba nung Vasant Kunj Police Station nung ken o ka benoka lir.