Manipur nungi poverty agientsü: CM

Imphal, Metsüremi/March 4 (Agencies): Manipur Chief Minister N Biren Singh-i ashiba agi, pai aniba sorkari state nungi poverty agintsü atema jenjang tapet agitsü aser welfare scheme balala nüburtem ket mapang shidak nung tongtsütsü atema inyaktsü.
Imphal West district nung Deobarnü school ka yanglushir lapoktsüba mapang nüburtem den jembidang Singh-i ashiba agi, iba nükjidong atongtsü atema state nung tang aliba governance aser administration inyakyim reprangshitsüla.
“Iba dak sendakba nung ‘Go to Hills’ aser ‘Go to Village’ sentong sorkari taoba küm amenokogo. Iba sentong ana ya tenem lima aser lenden nung alirtem tebilemtsü bendetsütsü atema tenzük,” ta chief minister-i ashi.
Singh-isa, scheme tem nungi tajangzük ajak nüburtem ket mapang shidak nung tongdaktsütsü asoshi ita shia lepa reprangshitsü, ta ashi.
“Sorkari Manipur nung poverty agintsü asoshi jenjang tapet agitsü. Iba ya nüburtem tenüngdakba lir.
“Onoki nüburtem sorkar office kima menokdaki electricity aser gas connections angutsü asoshi jenjang tapet agiadokogo,” ta paisa ashi.
School tem nung kaketshitsü angazükba jenjang tajungtiba agütsütsü nüngdakba indang jembidang CM-isa, BJP-i sorkar school balala nung facilities tajungba agütsütsü asoshi sentong tasen ka amenoktsü, ta ashi.
“Shisaliok ajanga lenla ajak nung terenlok bener arutsür. ‘School Fagat Hansi’ mesera ‘Let’s make schools better’ sentong ya kaketshirtem nem facility aser kaketshisatsü jenjang tajungba agütsütsü nükjidong yur tenzük,” ta paisa ashi.