Manipur nungi tanur anati Bravery Award agizüktsü

Bravery-Award-winnersImphal, January 20 (Agencies) : National Bravery Awards 2015 angutsüpurtem rongnung Manipur nungi tanur ana dena lir aser tenaji Maurice Yengkhom aser Chongtham Kuber Meitei na lir.
National Bravery Awards 2015 asoshi tanur ajak agi 25 shima lir aser parnok rongnung tetsür asem dena lir. January 24, 2016 nü Prime Minister Narendra Modi-i parnok nem sempet agütsütsü aser parnokisa January 26 nü Republic Day Parade, Rajpath, New Delhi nung shilem agitsü.
March 8, 2015 nü arishi küm 14 tain Maurice Yengkhom-i Hijam Rodin (13) aser par kinünger pungu den ki temalen asayatepa kazü.
Iba mapang Rodin ji electric current agi apu aser ibaji ngua Maurice-i pa kümzüktsü ao, saka electric current jagi pa-a pua nungtok. Iba mapangjisa Maurice-i arr agi yangluba chair teraksa ka bena arur Rodin dak züka pa electric current-i apuba nungi kümzük.
Ano külen, Chongtham Kuber Meitei jagi March 8, 2015 nü arishi küm 12 tain tetsür ka tzü nung araksettsü lia kümzük.

You must be logged in to post a comment Login