Manipur Police-i KCP tanishir ka apu

Imphal, April 3 (Agencies) : Manipur nung telungpur Kangleipak Communist Party (KCP) tongti lennir ka Manipur police-i Imphal Tulihal airport nung apu.
Iba nisungji Nongdrenkhomba lir aser pa ya KCP Politburo Standing Committee nung Chairman lir aser tongti lennir ka lir. Honibarnü pa Imphal tonga aruba sülen police-i apu.
Pa ya November 2012 nung Delhi nung mezüng apu. Pa ket nungi 9 mm pistol ka, mobile handsets 10, letterheads 10, bendanger sen, PAN card ka, parnok telok indang stamp seal aser tanga oset aika apu, ta police-i metetdaktsü.
Arishi küm 32 tain Nongdrenkhomba ji April 11, 2016 tashi police ket nung ayutsü atemja Judicial Magistrate Imphal-i temelaba agütsüogo.
March 31, 2016 nüa KCP (Mangal) nung tetsür züngsem Yumnam Ibeyaima (40) police-i apu, ta Manipur police sangdong nungsa metetdaktsü.
Imphal West district kübok Kodompokpi tesem nung 12th Bihar Regiment aser Manipur police sentepa la apu.
Yumnam dang asüngdangya asüba sülen police-isa KCP tetsür züngsem Laishram Manileima (45) apu, ta sangdong nungsa shia lir.