Manipur RS by-election nung BJP & Cong tokteptsü

Imphal, May 16 (Agencies): May 25, 2017 nü Manipur nung Rajya Sabha menden atema by-election nung BJP aser Congress tsüngda tokteptsü.
Iba menden atema BJP-i state unit president Kshetrimayum Bhabananda Singh shim aser külen Congress-i ex-MLA Elangbam Dwijamani Singh shim.
Taküm February 28 nü Congress MP Haji Abdul Salam asüba ajanga iba menden asoshi by-election agitsüsa aküm.
Nomination papers agütsütsü asoshi tatembangba anogoji Hombarnü liasü aser tenati Returning Officer, M Ramani Devi ket nung nomination papers agüja liasü.
“Teloktep sorkar nung adenertem- NPP, NPF aser independent MLA temi onok pusema nungittsü nangzükogo. Onoki Rajya Sabha mendenji angutsü imlar” ta state unit BJP general secretary N Nimbus Singh-i osangbener dang ashi.
Rajya Sabha by-election nung BJP-i shimba candidate yaritsü ta Lok Janshakti Party (LJP) state executive committee senden nung bangzünga renem.
Manipur nung BJP-i aniba sorkar nung MLA 38 aser opposition Congress MLA 22 lir.