Manipur RS election nung NPF-i tokteptsü

Dimapur, March 10 (Agencies): March 9, 2020 nü Naga People’s Front (NPF) indang Central Office-i NPF Manipur State Unit den senden ka menogo.
Iba senden nung Manipur indang Rajya Sabha election atema jembi aser Central Office-i Manipur State Unit nung NPF Legislature Wing dang party sasep nungi candidate tajung ka shimtsü atema mapa lemzüktsü, ta Press Bureau-i tanü sangdong ka nung ashi.
Senden nung Manipur nung NPF dak sendakba onüktem benoka lemsatepba den Hill districts nung Autonomous District Council election athiba indang jembi, ta parnokisa ashi.