Manipur: Security force temi telungpur tesep pongu maktok

Imphal, Luroi/August 29 (Agencies): Security force temi Manipur nung telungpur tesep pongu maktoka prangbong injang aser bomb aika ngutetogo, ta ketdangsürtemi Hokolbarnü metetdaktsü.

Police-i ashiba agi, state kübok district pezü nung Brehostibarnü central security forces aser civil police na senteper maita oaba sentong ayongzüka agia liasü.

Telungpur teseptem ya Bishnupur district nung Moirang police station kübok Phubala Patton Mamang nung ka, Imphal East district nung Sagolmang police station kübok Uran-Chiru tenemtsüng nung ka, Jiribam district nung Jiribam police station kübok Jairolpokpi aser Mongbung Meitei yimtsüng na tsüngda ka, Kangpokpi district nung Keithelmanbi police station kübok Kotzim yimtsüng nung ka aser Maohing aser Changoubung yimtsüng tsüngda arem nung ka ta nguteta raksatsüogo.

Sepaitemi INSAS rifles asem den magazine, AK-56 rifles ana den magazine, Ghatak AK-47 rifles asem den magazine, self-loading rifle (SLR) ka den magazine, MP5 rifle ka den magazine ana, 9mm carbine ka, single-barrel rifle ka, pull mechanism rifles asem, improvised mortars asem, hand grenades pongu, kar vials 30, country-made muzzle-loading rifles pongu, AK injang 45, Baofeng walkie-talkie set ka, lead pieces100, aser kar atsüngtsü amshiba merang intong trok ngutetogo.

Parnok ngutetba prangbong aser injangtem ya ken o dak sendaka aliba police station tem nem bendanga agütsüogo, ta ketdangsürtemisa shisem.