Imphal, August 26 (Agencies): Manipur sorkar aser state nung Inner Line permit System inyakyim benoktsü atema ita ana tejaklen nungi takhangba agüja arur telok, Joint Committee on Inner Line permit System (JCILPS) na tsüngda tezüngzüktep ka agiogo, ta tanü state Chief Minister Okram Ibobi Singh-i metetdaktsü.
Osangbenertem den jembidang chief minister Ibobi-i, yasüng agiba tezüngzüktep nungji onük tenet den ‘preamble’ lir ta ashi.
Tezüngzüktep nung, Manipur sorkari ozüng asem benoktsü alibaji JCILPS lenirtem agizüktsü melungtepogo, aser item bill ji Manipur Legislative Assembly nung agizüktsü.
Bill asemji -Protection of Manipur peoples Bill, 2015, Manipur Land Revenue & Land Reforms (Seventh Amendment) Bill, 2015 aser Manipur Shop & Establishments (Second Amendment) Bill, 2015 lir.
Ano sorkaria JCILPS-i akhangba onük ponguprongla nung yariteptsü melungogo, ta Singh-i ashi.
Tezüngzüktep nungsa, Protection of Manipur Peoples Bill, 2015 ozüngtem yangluba mapang JCILPS-i shimba monginten den sorkari yaritepa inyaktsü.
Manipur sorkari ILPS lenirtem den tezüngzüktep agiogo added by asungba on
View all posts by asungba →
You must be logged in to post a comment Login