Manipur sorkari menoknok ajanga timtemertem yaritsü : Deputy CM

Imphal, January 9 (Agencies) : Manipur nung Deputy Chief Minister Gaikhangam-i Honibarnü Tamenglong district semdang aser menoknok ajanga takoksa bener arutsürtem nem teyari balala lema agütsü.
January 4, 2016 nü Manipur nung menoknok anokba tiyongtsü tesemji Tamenglong district liasü aser tang tashi relief camp balala nung nisung 300 tema jenoka lir.
Gaikhangam-i tanü sen lakh 3 shi teyari agütsüba den kombol aser tanga osettsüset agütsü. Menoknok anokba sülen state sorkari mezüng shilem agibaji tanü liasü.
“State sorkari takoksa ajurua alir ajak nem takokba tashi teyari agütsütsü. State sorkari makoktsüsa kümra, onoki centre sorkar dang nungi teyari meshitsü” ta Gaikhangam-i osangbener dang ashi.
Takoksa ajururtem semdangba mapang minister Gaikhangam den district collector M. Luikham aser tanga ketdangsertem liasü.
Honibarnü Delhi University nungi Geologists-i Tamenglong district semdang aser parnoki ashiba agi menoknok anokba sülen ali telunglen nungi tzü adokba aser ali tera anokshibaji yimya dang lir.
Ano külen, BJP national secretary & northeast  in charge Prahlad Singh Patel-i anir BJP telok kati tanü Noney aser temeket aliba tesemtem semdang.
BJP lenirtemi ashiba agi, parnoki takoksa ajurur nem teyari agütsütsü meranger saka Manipur sorkaribo teyari shitak magütsür.
January 4 menoknok lendong nung Imphal kübok market complex 2 aser azüklen menden aika amentepa atuba ki kar raksa.

You must be logged in to post a comment Login