Manipur sorkari telungpur nem teyari ajungkettsür

Imphal, August 1 (Agencies): Manipur sorkari temai adokba telungpur nem itashia sen 8,000 aser khen atema sen lakh 4 agütsütsü lemtetogo.
Manipur nung tang tagidak budget session nung Minister in-charge of rehabilitation, Karam Shyam-i ashiba agi, “May 21 nü cabinet senden amendang, stipends ajungkettsü telemtetba agi.”
Iba inyakyim mapa küma inyaktsü atema Manipur sorkari Ministry of Home Affairs nungi temelaba atar.
“Temai adokba telungpur nem ita shia sen 4,000 stipend agütsür aser sen lakh 2.5 one-time payment agütsü. One-time payment ji telungpur temai adokba anogo nungi tenzüker küm asem sülen parnok bank account nung fixed deposit ama enoktsütsü” ta Karam Shyam-isa metetdaktsü.
Tang tashi nung telungpur 584 tashi sorkar tsüngdang temai adokogo aser parnok rongnung nisung 396-i vocational trainings temogo. Ano, Memorandum of Understanding nung sign asüba sülen telungpur 407 temai adok.
“Temai adokertem asoshi designated camps yangluba aser prangpong-injangtem bener aruba atema temenok agütsüba nung Rs. 26,36,5549 endokogo. Ano, pei sasa temai adokba telungpurtem yariba nung Rs. 6.85,3829 amshiogo” ta Manipur nung Minister in-charge of rehabilitation-isa metetdaktsü.