Manipur sorkari UNC nokdangtsü asüngdanger

Imphal, February 11 (Agencies) : Honibarnü Manipur Chief Minister, Okram Ibobi Singh-i Centre dang United Naga Council (UNC) ya ozüng alema telok ka züngoktsü atema asüngdangogo.

Honibarnep Congress Legislature Party (CLP) senden ka nung UNC nokdangtsü atema telemtetba agi.

November 1, 2016 nung mapang telatet makai rongsenren mokdangtsü ayongzükba ajanga nübortem timtemdakba atema UNC dak tai tongloktsür.

UNC aser Manipur sorkar tsüngda tangatettep kati arudaktsütsü atema Centre-i tiyongtsü nung mapa inyaker saka UNC-i mokdangba magientsü ta tekong meranga nokdaker.

Home Ministry osang kar ajanga ashiba agi, UNC-i mokdangba manenra Centre-i parnok den olemtep malitsü.

Mokdangba mapang nisung kar tepsetogo aser kar yirutsüogo. Lungkak aitertemi truck garitem kar rongdoktsüogo aser item tatalokba atema nisungtemi kechiba UNC ji ozüngi memelaba telok ta mezüngoker ta asüngdanger, ta Manipur nung Congress otongdar, Khumukcham Joykishan-i tanü osangbener dang ashi.