Manipur tensa atema UNC-i Centre teyari meshir

Guwahati, January 13 (Agencies): Brihostibarnü security sepaitemi truck meina Manipur-i aodang injang yoka liasü, aser iba dak sentakba nung United Naga Council (UNC)-i state nung Centre sorkar teyari meshiogo.
Iba tatalokba ajanga mepetmesü tali adoka UNC-i, Jiribam nungi Imphal tashi khu balala abenba truck meiner, Manipur State security sepaitemi Khumji yimtak injang yokba aitsüogo; Iba tatalokba nung nisung ka asü aser ana yiru.
Yaküm November 1 nungi tenzüka UNC-i ayonga rongsenkettsüng lenmang mokdangba ajanga state rongsenkettsüng kongshiogo.
UNC-i, “Manipur ji India shilem ka süra, nüburtem taginüba ola mangai Manipur nung communal sorkari parnok sünütsü süa inyaktsü India sorkari melatsü asü. UNC-i India sorkar dang tangsa tiyongtsü aita inyaktsü mepishir,” ta ashi.
State nung assembly election liaka UNC-i rongsenkettsüng lenmang mokdangba magientsü.
UNC-isa, “O. Ibobi Singh aser par sorkari Manipur sorkar aser Naga nunger tsüngda tezüngzüktep pezü agiba aser India sorkar, Home Affairs-i tezüluba nung agütsüba akhümtsübu asübo item ama tatalokba melila,” ta ashi.