Manipur tepoukdak rara adoka nisung 3 asü

Guwahati, July 30 (Agencies): Manipur nung aliba jail ka nung rara adoka Saudi senso ana densema tepoukdak alir nisung asem süogo, ta ketdangsertemi ashi.
Iba tatalokbaji state yimtiba, Imphal nung aliba Manipur central jail nung tanep sangwatsü lia atalok, ta police otongdar kati ashi.
“Tepuokdak alir Saudi Arabia nunger anati kasa tepoukdak alir ka tepset, aser iba osangji angazükba sülen tangartem jagi bendanger anaji tepset,” ta state Additional DGP, P. Doungel-i osangbenertem dang ashi.
2013 küm Saudi nunger Sushak Yusuf Ahmed aser Abdul Salam na kulikaket makai linüki aitba atema apu.
Tenati tepsetsangji Manipur, Churachandpur district nungi lisopur, Thangmilian Zou liasü.
Iba dak sentakba nung Saudi Arabia sorkari India Home Ministry dang par senso asüba osang meshiogo, ta police osang ajangasa metetdaktsü.

You must be logged in to post a comment Login