Manipur:BJP telok senden aka

Imphal, February 14 (Agencies) : Linük BJP general secretary, Ram Madhav-i, Manipur nung BJP tashi aru nungbo state ali tila kata ochi meshii mamshitettsü aser BJP-i Manipur nung telungjem kümzüka ayutsü, ta ashi.
Bishnupur Kendra nung BJP candidate Krishnokumar Konthoujam’er kidang BJP senden amenba mapang Ram Madhov-i, congress-i küm 15 yimsüsüba mapang tenemtsüng tesem nung tesendaktep kanga menena kümdaktsüogo aser Manipur nung kin balala tsüngda tamang samaogo, ta ashi.
BJP tashi aru nungbo state litsü kümzüka ayutsü aser Manipur nung telemsa madokdaktsütsü, ta pai shisem.
Iba senden nung Bishnupur mandal Tir, RK Bimola Devi, BJP candidate Krishnokumar Konthoujam, Bishnupur Municipal Council nungi BJP Councillor tem, tesüiba mapang candidate asem aser BJP telok lenirtem dena liasü.