Manisha Koirala-i la atema tetsür bodyguard shim

Mumbai, November 15 (Agencies): Actress, Manisha Koirala-i la kümzüka alitsü atema tanüker tebur masü saka tetsür ka ang shimogo.
Lai, “Tetsürtemi dang kati ka kümzüktettsü,” ta ashi.
“Tetsür bodyguard! Tetsür kati dang kati ka kümzüktettsü. Ibaji kibong ka telung nungi tenzüker aser lokti nung prokshir,” ta Manisha-i twitter ajanga ashiba den külemi la indang bodyguard tasenba noksa-a lai lemsatep.
Bollywood actress Manisha-i Malayalam film “Edavappathy” nung shilem agitsü aser Hindi psychological thriller film “Chehere” nunga shilem agitsü sentong lir.