‘Mann ki Baat’ sentong ajanga nüburtem laktetogo: Congress

Lucknow (Uttar Pradesh), January 31 (Agencies): Deobarnü Congress Party-i Ato kilonser Narendra Modi aija, linük nüburtemi Ato kilonser Modi indang radio sentong `Mann ki Baat` programme ajanga laktetogo, ta ashi.
Osangbenertem den jembidang Congress lenir Pramod Tiwari-i, “Nai (Modi) Mann ki Baat aika agiogo aser tangbo linük nüburtem iba sentong ajanga laktetogo. Inyaktetba mapatem indang nai jembitsüla aser nai election mapang nangzükbatem inyaktsü merangtsüla,” ta ashi.
“Mapa manguba tebilemtsü aser rara adokba tebilemtsüji Mann ki Baat ajanga mokoktettsü aser `Tajung Angotemji`-a tamakok ka asütsü. Mapa inyakba ajanga dang `Tajung Anogotemji’ arutsü, saka ner sorkari iba mapaji meinyaker,” ta paisa ashi.
Tamalen Congress-i, Ato kilonser indang `Mann ki Baat` ji advertisement ka dang lir, aser iba ya sorkar indang tim masüba nung amshiba ka lir, ta aija lir.
Tanü Ato kilonser Modi-i 16buba `Mann Ki Baat` sentong ajanga linük nüburtem den jembiogo.
Tamalen Mann Ki Baat sentongtem nung Modi-i mozü achiba tebilemtsü, aluyimertem tebilemtsü, ochimashi, gari lenmang nung lendong densema onük aika nung jembiogo.