‘Mann Ki Baat’ sentong akatsü Election Commission-i melar

New Delhi, January 28 (Agencies): Asüng, Deobarnü Ato kilonser, Narendra Modi indang radio sentong ‘Mann ki baat’ akatsü atema Election Commission-i temelaba agütsüogo.
February 4 nungi March 8 nü tashi nung Uttar Pradesh, Uttarakhand, Punjab, Goa aser Manipur state tem nung assembly election agitsü aliba ajanga Model code of conduct benoka lir, aser iba nungji ajemdaker sorkari Election Commission dang radio programme ji methitemi agitsü mepishia liasü.
Iba sentong akatsü Election Commission-i melaogo, ta osang ka ajanga ashi.
Taruba ‘Mann ki baat’ radio sentong nung Class X aser XII Board tatidang nung rangloker jembitsü. Item tatidang ya assembly election tembangba sülen anogo ka lir, March 9 nü nungi tenzüktsü.