Manohar BCCI Tir tanabenren akümer

Mumbai, October 04 (Agencies): Board of Control for Cricket in India (BCCI)-i Mumbai yimti nung Special General Meeting (SGM) tanü Deobar nü ayonga amenba sülen BCCI Tir inyakdaktsütsü asoshi Shashank Manohar shimogo.
2008 nungi 2011 küm tashi Tir menden abenba densema, arishi küm 58 tain Shashank-i tan agi BCCI Tir menden tanabenren abentsü maongka angur lir.
BCCI temzüng nung latetba ama, taoba BCCI Tir, Dalmiya taoba September ita 20 nü Kolkata nung asüba sülen anogo 15 süir külen tanü SGM sendenji mena BCCI-i par Tir tasenba shimer lir.
Jharkhand Cricket Association (JCA) lenisang, Amitabh Choudhary-ia BCCI Tir tasenba akümsütsüa jenjang ngua liasü saka taoba BCCI & International Cricket Council (ICC) lenisang, Sharad Pawar-i pusema nungitba yong Manohar-i Choudhary den jenjang tajungba ngua tanü BCCI Tir menden abentsü jenjangji angu.