Manu-i Gold aser Gaurav-i Silver medal angu

Junior ISSF World Cup 

Sydney, Metsüremi 24 (Agencies): Pistol khashishir India tsür Manu Bhaker-i maneni sempet tajung benshia kija aser India team atema Gold medal nguogo. Kasa asayamung tebur khashishiba nung Gaurav Rana-i silver medal nguogo. Iba takok ajanga ISSF (International Shooting Sport Federation) Junior World Cup nung India shooter temi podium tongtetta linük wangshidaktsüogo.
Mexico nung taoba ISSF World Cup asayamung nung Manu-i mezüngbuba senior shooting asaya gold medal ana ngutetogo. Tetsür 10m air pistol asaya final nung arishi küm 16 tain Manu-i Thailand tsür Kanyakorn Hirunphoem madak point timba nguteta gold medal angu.
Kasa asayamung tebur 10m air pistol khashishiba nung Gaurav Rana-i silver medal aser külem India nunger Anmol Jain-i bronze medal ngutetogo.
Iba asaya nung Manu-i point 235.9 nguteta temaba jenjang nung tembang aser la den tokteper Hirunphoem-i point 234.9 dang yanglua silver medal ngutet.
Tetsür 10m air pistol asaya nung China tsür Kaiman Lu-i point 214.2 yanglua bronze medal ngutet.
Kasa asayamung tebur asaya nung Rana-i point 233.9 yanglu aser Anmol-i point 215.1 yanglua China nunger gold medal angusang Zhehao Wang indang junior world record tally, 242.5 sülen liasü.
Iba asayamung nungsa India shooter Devanshi Rana-i final asayatsü atema qualify süa liasü aser asaya nung pai point 195.3 yanglua jenjang pezübuba nung tembang.
Iba asaya nung India tsür Manu, Rana aser Mahima Agrawal nungeri team asaya nung gold medal ngutetogo. Kasa mapang nung China tsür Xiao, Lu aser Li Xue nungeri silver medal ngutet. Thailand tsür Hirunphoem, Luxciga Srinitivoravong aser Warunyapha Kaewngoen nungeri bronze medal ngutetogo.
Tebur 10m air pistol asayamung final nungsa India nunger Arjun Singh Cheema-i point 152.7 , Anhad Jawanda-i point 134.4 aser Abhishek Arya-i point 114.5 yanglua jenjang 6buba, 7buba aser 8buba nung tembangogo.
Iba ISSF World Cup asayamung nung India team-i medal 11 nguteta lir aser item rongnung gold medal pungodensema lir. Parnok tang China sülen tanabuba jenjang nung lir. China team-i tang tashi nung medal 13 ngua lir.