Manu o Sumeeth nati tan mezüngsüa Mexico Open takok marok agizüker

Mexico, December 22 (Agencies): India’er tebur badminton doubles asayar, Manu Attri aser B Sumeeth Redddy nati Thailand nunger Bodin Issara aser Nipitphon Puangpuapech na final asaya nung tsükdaktsüba sülen Mexico Open tebur doubles shilem indang takok marok agizükogo.
Tan asayamong nung 3 buba jenjang abener, Manu o Sumeeth nati minute 35 nung points 22-20, 21-18 ngua Bodin o Nipitphon na madak takok angu.
2015 US Open aser Dutch Open final nung shilem agitsü jenjang angur, Manu o Sumeeth nati tan agizükba takok marok ya tenati tan mezüngsüa tongti Grand Prix takok marok agizüker lir.
“Bodin o Nipitphon na ya Thailand asayar tarensen nung No. 1 jenjang abener aliba yong künati kanga meranga asayaba sülen ang tena madak takok nguogo,” ta Manu o Sumetth nati tesülen metetdaktsü.