Bhubaneswar, September 25 (Agencies): Hokolbar nü Malkangiri district nung Maoists aser parnok pusemer 80 tashi Odisha Police matsüngdangi aruogo, ta osang ka ajanga metetdaktsü.
Tanü Malkangiri Superintendent of Police, Mitrabhanu Mohapatra-i, “Maoists aser parnok pusemer 80 onok matsüngdangi aruogo. Parnok ajakji Badaliguda yimtsüng nungi lir,” ta ashi.
Tesüiba ita ka tsüngda Maoists pusemer 800 dak tema district police matsüngdangi aruogo, ta paisa ashi.
Iba dak sentakba nung Maoists-i shidi ka ajanga osangbenertem dang, yazü nung police matsüngdangi aobaji nenokia anemtsüla, ta shiogo.
Shidi nungji, police-i Maoists anema ken o yazü nung benoker aser tashiyim agi parnok matsüngdangi arudaktsür, ta shia lir.
District nung ketdangsertemi security sepai tali toktsüogo aser sepaitemi tesem aika nung tanen makai garitem miter. “District nung lendong mataloktsü asoshi onoki security mera peria agiogo,” ta police ketdangser Mohapatra-isa ashi.
You must be logged in to post a comment Login