Maoists-ISIS na tesentaktep mali: Sorkar

New Delhi, April 27 (Agencies): Tanü Rajya Sabha senden nung Centre sorkari, telungpur telok Maoists aser kiralongrar telok, Islamic State (IS) na tsüngda tesentaktep maliba sorkari jangjaogo, ta metetdaktsü.

Islamic State aser linük nung Maoists tsüngda tesentaktep yur India tesem balala amaktsü atema merangba putetogo ta asüba osangji shitak asü(?) ta asüngdangba langzüdang Minister of state for home affairs, Haribhai Parathibhai Chaudhary-i, Maoists telungpur aser IS na tsüngda tesentaktep mali, ta langzü.

Pai ashiba agi, ISIS dak sentakba ken otem bushisüngdangba agency, National Investigation Agency (NIA)-i nisung 25, Telangana Police 6, Madhya Pradesh Police 5, Maharashtra Police 4, Delhi Police 4, Tamil Nadu Police 3, Karnataka Police ka aser Rajasthan Police ka puogo.

“ISIS-i linük amakba osang mali,” ta paisa ashi.

2013 küm nungi tenzüka tang tashi nung linük nung terenlok maliba tesemtem nung kiralongrartemi tekuben makogo, ta Minister-isa metetdaktsü.