Mapa agi

Kechiyong kechi koda tanela medeni temang, aji oda mapa medeni tamang tasü (Yakob 2:26).
Kü dang Kibuba, Kibuba ta ajar shiai kotak yimlii aitsü masü, saka shibai kotak nung aliba Kübui mulungba ama inyakdir, pa aitsü (Mt. 7:21). Ajak den yimjung, aser koda temeshitetba alema shingaia Kibuba mangutsü, iba temeshiba aria oang (Ibri 12:14). Au, aji asoshisa nenoki pei akanga meranga, nenok tamang nung tajungba, tajungba nung temetetba; aser temetetba nung peisasa azüokba, peisasa azüokba nung taremzük, taremzük nung temeshiba, temeshiba nung adianu temeimtep, aser adianu temeimtep nung temeim bendenlokang. Kechiyong item ajak nenok dak lira, aser moshidaktsüra, asen Kibuba Yisu Khrista temetetba tsütsü nenok azümesen mesüra tejang matangba melidaktsür. Kechiyong shibasa item maka pai pa akhidang temenen nungi meshitetba amadok nung, pai anasa aliba dang ngua, pa tenük tapok. Anungji adianutem, nenok pei ajaba aser shimtetba shitak metettsü kanga merangang; kechiyong nenoki item inyakra nenok kodanga memetsüdaktsü (2 Peter 1:5-10). Kechi taochi agi tamang ajanga nenok kümzüker, aser aji pei sasa agi masü, saka aji Tsüngrem sempet, shingaia moulutsü asoshi, aji mapa agi masü (Ef. 2:8,9).
Kotak nung aliba Oba, kü temenenba dang aochi nung Ne tenüng asanger. Amen.