Mapa aser Tenzükba : 1 Yohan 3:11-18

Tsüngrem yangluri shibai iba o ashi asenok ajaki metetta lir, “Kü mapaji tanelatem kümzüktsüba mapa, saka anogo shia chiyongtsü atema indoktsü ni Tsüngrem ateper (mend). Pa tejangrabaji tushitsü tetemsü, saka Khristan ka ama pai kiyonger tsüngsem atepshiba nungji pa tajungtiba agi shiküpji junga arteptsütsüla. Tanela anir aruba aser shiküp arshiba mapa nunga tsüngsem yangluri jagi kiyonger dang temeim sayur aser Tsüngremi yanglubatem nem aben süoshi aser tsüngsem agütsüba jagi Tsüngrem mapa inyak (Tsüngrem yari).
Yisu asoshi asen kiyonger dang meimtsü aser tenzüktsü asoshi asenok aja. Asenok aliba tepenja lokti nung asen kiyonger nüngdak tebenja lir.  Asen ajaki ki, chiyongtsü, süoshi, talidak, shishilemba dak nüngdaker, gari, lenmang, telephone, meti (cotton) tezüng sü (wool), aspirin, antibiotics nüngdaker. Item ajak jagi meimchir nüngdak nung yarir. Asen mapa ajanga Tsüngremi yangluba aser alangzükbatem yarir. Kodang asenoki asen kiyonger dang adianu ama meimdir iba jagi asenok alima nung balaka asür. Alima nisung dang nungi balaka ta ajitetter. Asenoki meimer Kechiaser Khristai asenok dang tama meim, aser asenok Tsüngrem dangi anir arutsü asoshi pei taküm agütsü. Iba temeim sayutsüba lenmang kaji asenoki asen mapa agi kiyonger nüngdak nung yaritsüla. Iba temeim mapa kodanga tesama masü.
O Yisu, Nai mapa  jenjang angatetter. Onok mapa moajang. Na aser kiyonger asoshi ibai temeim agi inyakdakjang. Amen.