Mapa aser Tenzükba : Mathi 5:13-16

Ammang nung tesangwa nenok alima tesangwa. Tenem nung aliba yimti memeyimtet. Mathi 5:14
Tsüngremi yangluba lima nung senso ka ama ne mapa koda inyaker? Asen linük, yimti, asenok town, asen temüket, aser yimdong alitsü tajungba kümdar ma?  Khristan ka ama asenok anogo shia mapa nung Khristan ka ama kuli südaki ma? Lokti tajungba akümtsü asoshi bilema inyakdaki ma?
Mesüra tanelaren aser ali rongsen Tsüngremi moatsüba tenüngsang magütsüidang aser mekurai agizüka agidar ma?
Tenem nung sayutsüiba Yisui Khristantem tesangwa ama alitsü ashi-pentu jeb masü! Parnoki sangwatsütsüla, agütsütsüla, parnoki tangar dang lemangji sayutsüla – ammang nung meyutsütsüla. Ne temetetba aser anguba tangar dang sayutsü – miima mayutsüla.
Ammang nung alirtem sangwadaktsütsü asoshi Pa tesangwa ammang nung yutsü. Tanü asen lima, asen kin, telok nung tanga kecha menüngdaker saka tesangwa nüngdaker; osang tajung tesangwa, koba Tsüngremi asenok teka nung yutsü. Asenok kongsa lidir Tsüngremi “iba mapang asoshi asenok yutsü” (Esther 4:14).
Aseni kanga dang meimba lima nung osangtajung tesangwaji asen taküm nungi adokdakjang.
Temeim Kibur, “Onok lima moajang; teti akanga noktakdakjang. Amen.