Mapa inyaker tetsürtem nema ita sen kasa agütsütsüla: Sonakshi

March 10, 2016 : “Tanü asüngbo tetsürtemi pei temeten asoshi marendaki ola adoker. Ni iba temelenshi ya film industry nung dang aginer masü saka saisapong, shishilembaba mesüra mapa tapu balala nung inyaker tetsür ajak nem ita sen aser taa ajak tebur den mebendangi agütsüdaktsüner,” ta Inglot’s Guinness World Record sentong nung Sonakshi Sinha-i ashi.

“Iba ongdang ya memonoi nembanga yanglushitsü ni amanger. Nisung ka takümji jenjang aser akhümtsübu aatetba taküm asütsüla. Ibaji tetsür aser tebur ajaki inyaktetba mapa ka lir. Film industry nung ni telemsa angubaji sen tsütsü lir. Tang tashi iba tebensaji lir. Iba tsütsü tetsürtem tali tashi itshitsü nüngdak,” ta ‘Dabangg’ nung shilem agila, Sonakshi-i ashi.

“Tanü asüngbo nisung ajaki kanga kümdanga alir aser tetsürtem temeten asoshi inyakertem dang ni kanga pelar. Memonoi tetsürtema mapa ajak nung tebur den kasa züngshitsü ta kü tamang lir,” ta lai ashi.

Memonoi Sonakshi ya asenoki ‘Akira’ aser ‘Force 2’ film tem nung angutsü.