Mapa junga meinyaker nem itasen metutsütsü: Sorkar

New Delhi, November 23 (Agencies): Central sorkar mapa nung alir shirnoki mapa junga meinyaker, parnok nem itasen metutsütsü, ta Bodhbarnü Union Minister, Jitendra Singh-i metetdaktsü.
Seventh Central Pay Commission indang report nung, sorkar mapa nung alir shirnoki pei mapa junga meinyaker, parnok indang kümshia increments ji sota ayutsüla, ta Commission-i benoka lir.
Sorkari iba onük agizükogo, anungji pei mapa junga meinyakertem increment metutsütsü, ta Minister of State for Personnel, Singh-i Lok Sabha senden nung metetdaktsü.