Mapa Nüngdaker

Kechiyong asenoki Pa ozüngtem benshitsü ya Tsüngrem temeim lir; aser Pa ozüngtem taret masü. 1 Yohan 5:3.
Yohan Yisui meimba nütsüng ka liasü. Pa kaket pezü Yisui asenok meimba aser asenoki Pa meimba indang zülu. Asenoki Pa meimra koda sayutsü? Yohan 15:14 nung asenoki Pa ozüngtem benshira asenok Pa tembartem lir ta ashir. Yohan 14:15 nung asenoki Pa meimra Pa ozüngtem asenoki benshitsü ta Yisui ashi. Pai kechi ozüngtem agütsü? Ibai kanga indanga shia lir. Asenoki Tsüngrem aser asen kiyonger meimtsüla.
Asenoki Tsüngrem koda meimtsü? Nai ne tembar aser nütong meimba yimya nung meimtsüla. Nai parnok den mapang endoker. Asenoki Tsüngrem meimra Pa den mapang endoktsü meimtsüla. Pa den sarasadem nung jembitsü aser Pa O azüngba ajanga Pa dang angatsüla. Asenoki asen kiyonger koda meimtsü? (tembar aser külem mapa inyakertem). Asenoki parnok den mapang endokba, parnok meteta akümba aser parnok nüngdak angatetba aser parnok asoshi sarasademtsüba aser parnoki Yisu indang lemsatepba nung temulung agüja angaa aliba ajanga asenoki parnok dang meimtsü akok. Item ozüngtem taret masü. Iba yagi mapa kar nüngdaker, saka itemji inyaktsü talang.
Kü Tsüngrem, anogo shia Na kü den jajaba asoshi ni Ne tenüng asanger. Ne süngra temela aser Ne khu tepungpa lir. Amen.