Mapa Yimsü Mika 6:1-8; Yakob 2:8-17

Tsüngrem tsübuba miim tulu (1Tim 3:16)
Yimsüji tenük agi angutsü makok aser kongshitsü makokba agi tawa tanü arogo nung jangra metemi kümdaktsür. Sentepi jangrapangra aoertemi “Kotakji koda tebur tajung” ta atener. Saka asenoki molumi nung okrongsita alir, maka maiter aser timtem nung alirtembo memeteti yutsür.
Sayutsüngiren tejangraba agi “Tsükbung bener” ta atener. Saka asenok yi lar, nüktapangtar aser temenen purtembo toktsür. Yisui kümzüknüba purtem toktsütsü koda temüla. Süra asenok Khristai tenyaba asoshi alir asü? Tesüngmangtsü…
Tasen Lai nung Khristan yimsüji nübur asoshi inyakba, nübur rong nung, aser nübur den aliba yimsü ta angateta liasü. Mezüng Khristantemi parnok yimsü jagi parnok lima melenshidaktsütsü merang, aser tashiji parnok yimsü parnok amshiba ajanga kuli asü.
Zazaka, alimelen sarur taküm nung Master mapa inyaka melenshidaktsüba ama tanü putu nübur taküm tekümzükba mapa inyaktsü akok. Kodang arogo Khristan tamangji mapa agi sayudir Khristan yimsü nung Yakta asentenshi adoktsü.
Sarasadem
Khrista Yisu, kü yimsü benshitsü kü dang yariang. Ni tema tazütsü agi laktetogo. Ni na ama chichilaba asütsü jangrar. Kü dang yariang. Ne tenüng nung sarasademer. Amen.